Qarabalyq aýdanyndaǵy Prırechnoe selosyndaǵy mektepke osy bilim oshaǵyn buryn bitirgen kásipker Sáýle Sháýenova túlekterdiń dástúrli kezdesýinde bir mıllıon teńgeniń sertıfıkatyn ákelip tapsyrdy. Osy qomaqty qarjyny ol óziniń, otbasynyń jáne ákesiniń atynan tabys etti.
Sáýle Sháýenova jeńil ónerkásip salasyndaǵy «Iýtarııaltd» kompanııalar tobynyń negizin salýshy jáne bas dırektory. Kompanııa búginde tek Qazaqstan ǵana emes, odan da syrt jerlerge tanymal. Aýyl mektebine mundaı qarjyny jergilikti bıýdjet bere almas edi, bilim oshaǵynyń kóptegen problemasyn sheshetin bul kómekke pedagogıka ujymynyń qýanyshynda shek bolǵan joq.
Bul týǵan mektebine túlektiń birinshi qolqabysy emes. Byltyr ol mektep ashanasyn mebelmen, ashanalyq quraldarmen tolyq jabdyqtap bergen edi. Ustazdary shákirtine alǵysyn aıtty.
Názıra Járimbetova,
«Egemen Qazaqstan»
Qostanaı oblysy,
Qarabalyq aýdany